Jumat, 04 September 2015

Sejarah Lahirnya Kuria GKPS Hutaimbaru


Bangunan GKPS Hutaimbaru Hingga Tahun 1993. DOK St Berlin Manihuruk.
St Efraim Moradim Saragih Manihuruk/ R Porman Br Haloho. DOK Asenk Lee Saragih.

Cikal Bakal dari Efraim Moradim S Manihuruk Guru Pertama di Hutaimbaru
GKPS HUTAIMBARU 1993-2015-Sekarang. Foto Asenk Lee Saragih
PARDONGNI KURIA GKPS HUTAIMBARU

Bani Tahun 1946 roh do tuan Nomensen hu Hutaimbaru. Sanggah marambilan hu Sihalpe ia, sanggah Tuan Nomensen marianan I Haranggaol Tiga Langgiung. Bani tahun ni ai do homa,isuruh Tuan Nomensen ma guru Armanus Sipayung na hun Sihalpe laho mambuka parmingguon I Hutaimbaru sambil parsikolahan. Ilean tuan Hutaimbaru ma tano untuk tapak ni Gareja, i lambung ni bondar parbatasan pakon nagori Purba-Hutaimbaru.

Bani tikki ai isobut ma Gareja ai HKBP. Parsikolahan isobut ma SR HKBP Hutaimbaru. Na marminggu hujai aima par Hutaimbaru,Nagori Purba pakon Soping. Lang pala piga dokah sanggah ai ,ibahen ma murid SR markalas I,II,III. Alani hurang ni murid roh marsikolah hu SR HKBP Hutaimbaru lang mancukupi be balanja ni guru. Mulak ma hu Sihalpe guru Armanus Sipayung.

Halani domma soppat masyarakat pasikolahkon niombah ni hu luar ni hutaon : hu Bage ,Hinalang, Sihalpe pakon Saribudolok. Kuria on sanggah ai masuk distrik Simalungun, aima nibobanhon Pendeta Kerpanus Purba. Seng pala piga dokah isuruh pendeta Kerpanus Purba ma guru Jamauli Purba han Hinalang laho manorushon Kuria ai pakon parsikolahan ai.

Idida guru Jamauli Purba ma bangunan Gareja ai pakon parsikolahan ai seng utuh be. Halani humbani buluh do parhayuni pakon humbani rih do tayub ni. Janah lantai ni humbani horsik. Seng piga bulan mulak ma use guru Jamauli Purba hu Hinalang. Ipikkiri Pendeta Kerpanus Purba do siparutang do ia hubani Naibata, anggo tutup ma parmingguan ai I Hutaimbaru. 

Bani tanggal 29 Desember 1948 ikirim surat hu Haranggaol isini sonon ma (terlampir), asli tulisan tangan ni Pendeta Kerpanus Purba. Saut do ilaksanahon guru Efraim Saragih Manihuruk, isi ni Surat Pendeta Kerpanus Purba na ikirim parantaraan guru Hiskia Tondang . 

Dop ipikkiri Pendeta Kerpanus Purba sonaha ase ulang ganggu uhur ni guru na ipaborhat hu Hutaimbaru ase ulang tutup parmingguan,  iurus ma podas SK   ni guru Efraim Moradim Saragih Manihuruk hu kantor HKBP Pematang Raya (Distrik Simalungun). 

Ikaluarhon ma SK ni guru Efraim Moradim Saragih Manihuruk (Bisloit No :86) (terlampir fotocopy bisloit). Janah guru Efraim Moradim Saragih Manihuruk ma manorushon parmingguan mulai tanggal 31 Desember 1948 (parsiranggan ni taon )das hubani tahun 1963 (Porhanger) naisobut siapari Guru Huria.

Saut ma homa ibuka torus parsikolahan na isobut SR HKBP Hutaimbaru na ipimpin ni Guru Efraim Moradim Saragih Manihuruk janah bahat ma homa panggati pasoluk guru roh mangajar. Guru Darius Damanik hun Dolok Silau, Guru Tarianus Purba hun Pematang Raya,Guru Siden Saragih hun Bangun Saribu, Guru Kander Saragih hun Bage, Guru Waldemar Saragih hun Pematang Raya, Guru S. Jasalmon Sinaga hun Sinondang Kecamatan Raya das nai inegerihon parsikolahan tahun 1960 na dop i tutup nuan.

Dob hossi buruk ma Gareja /Parsikolahan na ibangun tahun 1950. Ipukka ma mambangun use gedung Gareja na satongah permanen totap Iananni na biasa janah ibahen ma pesta peletakan batu onjolan na binobahon  ni Ephorus GKPS Pendeta S.P Dasuha bani tahun 1976.

Sairing terjadi abrasi Danau Toba, jadi bani tahun 1993 pindahma Bangunan GKPS Hutaimbaru hu dohorni Huta Hutaimbaru. Janah bani panorang ai, dihut do Mahasiswa KKN USI padear partapakan gereja. Das bani Sadarion ( 4 September 2015) domma jenges Bangunan GKPS Hutaimbaru nalantaini markaramik. Jengesni Bangunan GKPS Hutaimbaru lang tarlepas hunbani bantuan Ginopparni Par Hutaimbaru na sukses Bani Perantaun. Misalni Pinopparni St Efraim Moradim Manihuruk dan Kel Besar Junimart Girsang. Pakon haganupan Popparan han Hutaimbaru.
 
Sonon ma susunanni namabobanhon Kuria GKPS Hutaimbaru ni Tuhanta Hutaimbaru:

Tahun 1938-1948 Guru Armanus Sipayung pakon guru Jamauli Purba nasopat tutup parmingguan piga –piga dokah.
Tahun 1963-1965 St Marsenius Manihuruk
Tahun 1965-1970 St S Jasalmon Sinaga
Tahun 1970-1975 St J Salpinus Girsang pakon St  Samudin Girsang
Tahun 1975-1980 St S Jasalmon Sinaga
Tahun 1980-1985 St  Samudin Girsang
Tahun 1985-1990 St Marsenius Manihuruk
Tahun 1990-1995 St Tuahman Purba Pakpak
Tahun 1995-2000 St Oberlin S Manihuruk (Tarpilih homa use St.Oberlin Manihuruk parutusan Sinode Bolon Hun Resort Tongging Masa Bakti tahun 1995-2000).
Tahun 2000-2005 St Oberlin Manihuruk
Tahun 2005-2010 St Samudin Girsang (Tarpilih homa use St Oberlin Manihuruk Parutusan Sinode Bolon GKPS Hun GKPS Resort Tongging Masa Bakti 2005-2010).
Tahun 2010-2015 St Tuahman Purba Pakpak
Tahun 2015-2020 St Tuahman Purba Pakpak.

Tibalni Huria GKPS Hutaimbaru Marresort

Tahun 1938-1955              Hu Resort Saribudolok
Tahun 1955-1963              Hu Resort Haranggaol
Tahun 1963-1975              Hu Resort Saribudolok
Tahun 1975-1980              Hu Resort Naga Saribu
Tahun 1980-1987              Hu Resort Saribudolok
Tahun 1987-2015              Hu Resort Tongging

SAKRAMEN PANDIDION NAPARLOBEI i GKPS Hutaimbaru Tahun 1951 4 Halak

1.            St Julius Girsang i GKPS Sidikalang
2.            St Justiaman Girsang i GKPS Sukadame Resort Perdagangan
3.            Lasarus Tondang i GKPS Hutaimbaru
4.            Bungaronim Br Sidauruk i GKPS Hutaimbaru

Namanjalo Surat Sinata Tahun 1952 (PSK)
1.St Julius Girsang
2.St Justiaman Girsang
3.Lassarus Tondang
4.Bungaronim Br Sidauruk

Sidea na opat onma mulai han kuria GKPS Hutaimbaru mandihuti Parguruni Saksi Kristus (PSK) mulai masuk tanggal 26 April das hubani tanggal 08 Juni 1952 na niajaranni Pendeta Kerpanus Purba. Janah Ayat sidingaton ni sidea tarsurat bani Markus 16: 15b.

Najadi Sintua Parlobei i GKPS Hutaimbaru 3 Halak

1.            Janabung Tondang GKPS Beringin
2.            Panjang Haloho GKPS Soping
3.            Mopar Tondang GKPS Huta Tano

Sonaima dohot singkat Pardong ni Kuria GKPS Hutaimbaru. Das hubani Tahun 2015, Jemaat GKPS Hutaimbaru Tangga Banggal 44 KK, Tangga Etek 11 KK, Jumlah Jiwa 135 Halak, Parhorja (Majelis) Sintua 8 Halak, Syamas 4 Halak. Pengantar Jemaat GKPS Hutaimbaru St Tuahman Purba Pakpak. Pandita Resort Tongging Pdt Amri Tondang STh.

Sumber: St Oberlin S Manihuruk (Sekretaris Jemaat GKPS Hutaimbaru Resort Tongging-Distrik III-26 November 2006). Ditulis Kembali Jumat 4 September 2015 Oleh Sy Rosenman Manihuruk (Asenk Lee Saragih).
SURAT BISOLOT UNTUK St Efraim Moradim Sar Manihuruk. Dok St Berlin Manihuruk
 

SURAT HATORANGAN. Dok St Berlin Manihuruk
GKPS HUTAIMBARU 1993-2015-Sekarang. Foto Asenk Lee Saragih



 Asenk Lee Saragih
GKPS HUTAIMBARU 1993-2015-Sekarang. Foto Asenk Lee Saragih
GKPS HUTAIMBARU 1993-2015-Sekarang. Foto Asenk Lee Saragih

Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
Porhanger GKPS Hutaimbaru St Tuahman Purba Pakpak (Kanan) dan Bendahara St Jamin Sidauruk (Kiri).
St Monang Saragih SH/ St Adriani Br Sinaga MH saat Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
 Drs Kol (Purn) TNI AU St Warman Martuah Manihuruk dan Istri Br Haloho saat Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
St Berlin Manihuruk / Anta Br Damanik saat Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.

St Samudin Girsang (Paling Kiri) saat Ibadah Pernikahan Lamhot P Manihuruk-Imelda Br Girsang di GKPS Hutaimbaru, 27 Desember 2012. Foto Asenk Lee Saragih.
DERMAGA HUTAIMBARU
DESA HUTAIMBARU, Kelurangan Sibangun Mariah, Kecamatan Pamatang Silimakuta, Kabupaten Simalungun. Foto-Foto Asenk Lee Saragih.
DESA HUTAIMBARU, Kelurangan Sibangun Mariah, Kecamatan Pamatang Silimakuta, Kabupaten Simalungun. Foto-Foto Asenk Lee Saragih.
RUMAH St Samudin Girsang. DESA HUTAIMBARU.
Rumah St Berlin Manihuruk di Desa Hutaimbaru.
GKPS HUTAIMBARU DAN GEDUNG SERBAGUNA HUTAIMBARU.

 
RUMAH BATAS DESA HUTAIMBARU DENGAN DESA HUTAIMBARU. LOKASI AWAL GKPS HUTAIMBARU.

RUMAH BATAS DESA HUTAIMBARU DENGAN DESA HUTAIMBARU. LOKASI AWAL GKPS HUTAIMBARU.

RUMAH BATAS DESA HUTAIMBARU DENGAN DESA HUTAIMBARU


St Berlin Manihuruk. Foto April 2014

Anak dari St Efraim Moradim Saragih Manihuruk/ R Porman Br Haloho. (Kiri-Kenan: Dr St Bonarsius Saragih Manihuruk MH, St Berlin Manihuruk, St Monang Saragih M SH, Dr Amin Sar Manihuruk. Berfoto di Depan Rumah Hutaimbaru, Mei 2011. Foto Asenk Lee Saragih.
PERAYAAN NATAL DI GKPS HUTAIMBARU 2012.


 

Tidak ada komentar: