Billy Simarmata Sipencipta Lagu "Sidoli Pargojek" Kisahkan Masa Kecilnya

Billy Simarmata Sipencipta Lagu "Sidoli Pargojek" Kisahkan Masa Kecilnya.

BERITAKU-Diblantika musik Batak dan musisi Batak, nama Billy Simarmata tak asing lagi. Namanya tenar berkat lagu "Sidoli Pargojek" Ciptaanya viral. Bahkan lagu tersebut dikover banyak musisi Batak dan masyarakat pecinta Lagu Batak. Billy Simarmata, yang memiliki nama lengkap Gordianus Billy Simarmata merupakan anak ke 7 dari 9 bersaudara, ibunya Boru Situmorang. 

Berikut Billy Simarmata menuliskan kisah masa kecilnya dalam bahasa Batak Toba lewat Halaman Facebooknya "Billy Simarmata":

 

On ma hami taon 1989. 9 halak ma hami tubu ni dainang br Situmorang nauli lagu on. Tikki pas namarfoto on on nungnga sae sikkola bidan ibotoku siakkangan Lastiur Simarmata sian Elisabet,,SPK dope najolo,jei jot2 do diboan itokun kamere molo mulak ibana sian Medan.

Pas di foto on molo abangku siakkangan Lamro Simarmata lagi di Pangururan sikkola,jalas markos do di tempat di oppung embet ditajur,SMA ma abang siakkagan tikki i. Molo abangku si nmr dua Gokpul Simarmata tikki i rap dohot bapa do mangaratto najolo di Lubuk Linggau.

Jadi 6 nai ma hami di huta tikki i rap dohot omak nami ima na di foto on.Abangk nmr 3 Lehon Simarmata, Abangk nmr 4 Charles Simarmata, Abangk nmr 5 Tampe Simarmata, Au ma nmr   7 Gordianus Billy Simarmata,  Ibotoku nmr 2 Florentina Simarmata, Anggiku siappudan Seventinus Simarmata, 7 ma hami baoa dohot 2 ma boru. Molo holan baoa nmr 6 ma au,molo sian sude nmr 7 ma au.

Ditaon 1989 dang sikkola dope au na ujui,alana najolo rata2 7 taon asa masuk SD. Songononma situasi nami tikki i dibhuta Sampuran Bonandolok Sianjur mula mula. Hassit jala parir do na ujui,molo hami boi ma dohonon pinabalga ni gadong dht dekke jahir,alana dipinggir tao Toba do hami.

Saingothu pas di foto on hurang pas dope au mardalan tikki i,alana sorang au tu portibi on boi dohonon hurang sempurna do Simanjojakku tikki,makana habis tambonku lalap masasa tu tano i alana sai lalap sarat.Jala jumolo do ibotoku nahutodohon Florentina Simarmata boi mardalan ase au.

Alai asi rohani Tuhan jala ala jamot ni Damang nang dainang manambar nambari simanjojakku boi ma au mardalan denggan sampe saonari. Di taon 1990 masuk sikkola ma au SD.

Alana dao do sikkola nami sian jabu,ikkon adong ma mardalan sekitar 80 menit sian robean i sahat tu sikkola.Sipata ma di taruhon marsolu,sipata mardalan.Ujung na tikki i gabe mulak ma bapakku sian pangarattoan jala dang mangaratto be,sekitar sataon ditaruhon bapa on ma au marsikkola marsolu ala soboi dope simanjojakku hatop mardalan,alai dung kalas dua SD au nungnga lancar be mardalan.

Sipata molo ari parudan marnambur ma sude dalan,olo ma maraek baju nami sahat tu sikkola,jala adong dope binanga nabalga ikkon siboluson,jei ikkon maniar do najolo.

Dung kalas dua au sikkola arian nama attong,ibotoku Si Florentina kalas sada ma jala masuk sogot2.

Tikki kalas dua au sada do kaus kaki nami dht ibotoku Florentina on,molo dung mulak ibana sikkola di lean ma tubau kaus kaki i pakkeonku lao masuk sikkola arian.

Jei najolo jotjot do hami didungoi omak nami on jam 5 pagi,sipata ma manarui orbuk hujuma paima borhat sikkola,deba akka abangku nga olo lao martao manang mardoton jam 4 pagi.

Molo adong dekke dapot ni doton akka namokmok nai di jual hami main sekalian borhat tu sikkola,olo ma marutang deba,olo ma digatti dohot boras,sipata do dang lakku.Bau dekke ma sipata hami sahat disikkola. Dekke namokmok on sude ma di jual,molo hami tetapma mangallang sijahir namerung,alai tikki i tabo dope dekke ni tao toba nang pe namerung.

Sogot2 i tibu ma diloppa gadong,molo topet adong boras sipata ma mangaloppa indahan. Alani paetna najolo i sipata do indahan jagul,massam mai,bohama siabaen na butong. Alai nang pe songoni tong do boi hami juara di SD nami najolo.

Toho gelleng pe hami nungnga di ajari omak nami on mandiri,boi do hami mangaloppa,manussi,mangalap aek,sude pada tugas masing masing,si sussi abitna be. Alana najolo molo hami dung SMP wajib do markost di Pangururan,alana dang adong dope SMP najolo di huta nami.

Toho parjolo markos iba najolo dipangururan jotjot ma ina tangis alani lungun ni roha,bohama dakdanak dope iba nga tor dao sian inang niba.Sabtu mulak tu huta,Minggu mulak tu kost ma muse,alana ikkon markapal do sian huta nami tu Pangururan najolo,jei sahali saminggu do adong kapal.

Dang sanggup hami masuk asrama terpaksa ma markost,alana hami alumni BUDI MULIA Pangururan do sude.Jala testing do masuk tu sikkola on najolo,hape hami sai lalap monang.Sahat tu SMA pe tong markost,sahat tu kuliah pe tong markost.

Dung saonari sadar ma iba sian dia do dibaen bapa dht omak nami on naeng marmudu mudu hami na 9 inna roha ma.Jotjot maanetek ilu sopamotoan,mardamu 11 taon na lewat nungnga jumolo bapa nami borhat manopot Tuhanna.Tinggal ma dainang nauli lagu.

Dung marruma tangga hami sude tinggal ma holan dainang pangittubu.Memang tohodo holan loja na do damang nang dainang.

Saonari ro ma sahit tu pamatang ni dainang,dang tiniala akka lojana sinajolo i saonari ma bikkasna,dang tardok manang aha sipata.Alai Puji Tuhan burju2 do nian parumaen ni dainang i dht hela na.

Napala na hassit boi sipata tinuhor sipanganon alai dang boi be di allang dainang. Ponjot ma andora. On ma sekedar cerita pendek sian au gais...Au pe sohuboto na idia au di foto on,ai dang mirip huida😂😂..

Patudu hamu majo gais na idia au. 

Sidoli Pargojek

Cipt: Billy Simarmata

Sanga au ito songon na bangga

Sanga au ito hampir bahagia

Di dokkon ho ganteng do au ito

Cocok tu roha mi

Alani barani au ito

Pasahat holonghi tuho

Di jalang ho ma tanganhi gomos

Huhut di haol ho

Dang sadia leleng ito

Dibotoho ma karejokki

Na manarik gojek do au Ito

Di kota Medan on

Laos sadari ido ito 

Di putus ho holongmi tu au

Hansit na i di au hasian 

Sidoli pargojek on

Unang ma leas roham

Unang ma ginjang roham

Arga do holong hi diau

Nang pe pargojek au . (***)

Gordianus Billy Simarmata .